ताजा खबर

र्बार्सिलोना र रियलले बराबरी खेले

SITENAME

 

 २४ बैशाख 

यो सिजनको अन्तिम एल क्लासिको २–२ गोलको बराबरीमा टुंगिएको छ । दोस्रो हाफको ४५ मिनेट १० खेलाडीमा सीमित रहेर पनि बार्सिलोनाले रियल मड्रिडलाई बराबरीमा रोकेको हो ।  घरेलु मैदानमा बार्सिलोनाले सुरुवाती अग्रता बनाएको थियो । उसका लागि सर्जियो रोबर्टोको पासमा लुइस स्वारेजले १० औँ मिनेटमा गोल गरेका थिए । 

तर, त्यसपछि गोल गर्ने पालो थियो क्रिस्टियानो रोनाल्डोको । उनले खेलको १४ औँ मिनेटमा करिम बेन्जेमाको सहयोगमा गोल गरेपछि खेल १–१ को बराबरीमा आयो । 

पहिलो हाफको अन्तिम मिनेटमा सर्जियो रोबर्टोले रातो कार्ड पाउँदै बाहिरिएपछि बार्सिलोना १० खेलाडीमा झर्यो । तर, उसले दोस्रो हाफमा पनि दबाबको महसुस गरेन । 

बार्सिलोनाका लागि स्टार स्ट्राइकर लियोनेल मेसीले खेलको ५२ औँ मिनेटमा लुइस स्वारेजको पासमा गोल गर्न सफल हुँदै २–१ को अग्रता दिलाए । 
१० खेलाडीमा झरेपछि डिफेन्समा केही सन्तुलन गुमाएको बार्सिलोनाविरुद्ध रियलले केही आक्रमणका प्रयास गर्यो । जुन प्रयास ७२ औँ मिनेटमा सफल भयो । यो पटक ग्यारेथ बेलले गोल गर्दै खेललाई बराबरीमा ल्याए । 

बेलको गोलपछि दुवै टोलीबाट थप गोल हुन सकेन । बार्सिलोनाले ला लिगाको उपाधि पक्का गरिसकेको अवस्थामा यो भिडन्त दुई क्लबबीचको प्रतिष्ठाको मात्रै लडाइँ थियो । योसँगै जारी सिजनको ला लिगामा बार्सिलोनाले अपराजयको कीर्तिमान कायमै राख्न सफल भएको छ । 

बार्सिलोनाविरुद्धको खेलमा रियलका स्ट्राइकर क्रिस्टियानो रोनाल्डो भने घाइते भएका छन् । बार्सिलोनाविरुद्ध खेलमा एंकलमा चोट लागेपछि उनी पहिलो हाफ सकिएपछि मैदान प्रवेश गरेनन् । 

लिभरपुलविरुद्ध च्याम्पियन्स लिगको फाइनल हुनु तीन साता अघि रोनाल्डो घाइते भएपछि रियल मड्रिडमा तनाव बढेको छ । यद्यपि उनको उपचार सुरु गरिएकाले चोटबारे विस्तृत जानकारी सार्वजनिक गरिएको छैन । 
अन्नपर्णपोष्टबाट

प्रतिकृया दिनुहोस
SITENAME

म्यानचेस्टर सिटीको अपराजित यात्रामा लाग्यो ब्रेक, चेल्सीसँग हार्‍यो

म्यानचेस्टर सिटीको अपराजित यात्रामा लाग्यो ब्रेक, चेल्सीसँग हार्‍यो  मंसिर २३ गते । इंग्लिस प्रिमियर लिगमा म्यानचेस्टर सिटी पराजित भएको छ ।

SITENAME

ए डिभिजन लिगमा तीन खेल स् को–कोसँग खेल्दैछन् ?

ए डिभिजन लिगमा तीन खेल स् को–कोसँग खेल्दैछन् ?  मंसिर २३ गते । शहीद स्मारक ए डिभिजन लिग फुटबल अन्तर्गत आइतबार ३ वटा खेल हुने भएका छन् ।  सातदोबाटोमा

SITENAME

इन्टरमिलानलाई हराउँदै युभेन्टसले सिरी एमा ११ अंकको अग्रता बनायो

इन्टरमिलानलाई हराउँदै युभेन्टसले सिरी एमा ११ अंकको अग्रता बनायो  मंसिर २२ गते ।  इटालियन सिरी ए अन्तर्गत शनिबार राति भएको इन्टर मिलानविरुद्धको