नेपाल सुरक्षित रहेको भन्दै साइकलमार्फत् २० देशकाे भ्रमण

 

नेपाल सुरक्षित रहेको भन्दै साइकलमार्फत् २० देशकाे भ्रमण

 

काठमाडौं- जेठ ५। भूकम्पपछिको नेपाल सुरक्षित भएको सन्देश दिँदै तीन नेपाली साइकल यात्रीले विश्वका २० मुलुकको भ्रमण गरेका छन् । विसं २०७२ वैशाख १२ को विनाशकारी भूकम्पले क्षति भएको सन्देश दिँदै काठमाडौँका २२ वर्षीय अनिश ढकाल र दिलीप क्षत्री तथा पोखराका ४२ वर्षीय निर्मल बरालले २० देशको भ्रमण गरेका हुन् । 

बुद्धको देश नेपालको झण्डा, बुद्धको झण्डा लिएर यात्रामा निस्केका तीन यात्रीले नेपालका विभिन्न भाग, भारत, बंगलादेश, श्रीलङ्का, म्यानमार, थाइल्याण्ड, लाओस्, कम्बोडिया, ब्रुनाई, सिंगापुर, मलेसिया, ताइवान, दक्षिण कोरिया, इजरायल, चिली, अर्जेन्टिना, बोलिभिया, ब्राजिल र अमेरिकाको भ्रमण गरेका हुन् । 

साइकल यात्रीले आज पत्रकार सम्मेलन गरी नेपाललाई विश्वमाझ चिनाउन आफूहरु साइकल यात्रामा निस्केको जानकारी दिएका हुन् । 

पत्रकार सम्मेलनमा विश्व साइकल यात्रीका संयोजक अनिश ढकालले सन् २०१६ डिसेम्बरमा पोखराबाट विश्व साइकल यात्रा पूरा गरेको जानकारी दिए। 'साइकल यात्री डा अमृत बराल र अजित बरालको प्रेरणाबाट हामीहरु यात्रामा निस्केका हौं,' उनले भने।

जान चाहेको ठाउँमा भिसा लाग्ने समस्या हुने गरेको बताउँदै उनले आगामी दुई महिनाबाट युरोपका १२ देशको भ्रमण गर्न लागेको बताए। पाँच वर्षमा विश्वका सबै महादेशको भ्रमण गर्ने आफूहरुको सोच रहेको उनले जानकारी दिए। 

कार्यक्रममा नेपाल पर्यटन बोर्ड सञ्चालक समितिका सदस्य दीपक महतले नेपालको बारेमा साइकल यात्रामार्फत विश्वलाई चिनाउन सफल भएको भन्दै आगामी दिनमा पर्यटन बोर्डले गर्ने सहयोग गर्न तयार रहेको बताए। 'यात्रीले यात्रालाई औचित्यपूर्ण बनाउन विदेशी पर्यटकलाई नेपालमा भ्रमण गर्ने वातावरण सिर्जना गर्नुपर्छ,' उनले भने।  

नेपाल पर्यटन बोर्ड सञ्चालक समितिका पूर्व सदस्य राजेन्द्रप्रसाद सापकोटाले बुद्धको जन्मस्थानदेखि सगरमाथासम्मलाई विश्वमाझ चिनाउन यात्रीले महत्वपूर्ण भूमिका खेल्नुपर्ने बताए।

नेपाल पर्वतारोहण संघका महासचिव कुलबहादुर गुरुङले विश्वका १४ अग्ला हिमालमध्ये आठ हिमाल नेपालमा भएको भन्दै उक्त हिमाललाई विश्वमाझ चिनाउन जरुरी रहेको बताए। 

नेपाल एशोसिएसन टुर्स एण्ड ट्राभल्स एजेन्ट (नाट्टा)का प्रथम उपाध्यक्ष अच्युत गुरागार्इंले विभिन्न देशमा यात्राका लागि जाँदा त्यहाँको दूतावाससँग समन्वय गरेर अगाडि बढ्दा यात्रा सार्थक हुने बताए। 

ट्रेकिङ एजेन्सिज एशोसिएसन अफ नेपाल (टान)का वरिष्ठ उपाध्यक्ष खुमबहादुर सुवेदी, टानका पूर्व महासचिव सागर पाण्डे, नेपाल उद्योग वाणिज्य महासंघका केन्द्रीय सदस्य रामशरण थपलिया, पर्यटन व्यवसायी राजन सिंखडालगायतले साइकल यात्राले नेपालको पर्यटन प्रवद्र्धनमा ठूलो सहयोग पुगेको बताए।

नागरिकबाट

प्रतिकृया दिनुहोस
SITENAME

दर्जनभन्दा बढी व्यावसायिक समूहमा कर छल्ने देशबाट लगानी

माघ ३ गते ।  ‘टयाक्स हेवन’ मानिने १७ वटा मुलुकबाट ६६ अर्ब ९० करोड १८ लाख ४३ हजार २८४ रूपैयाँ बराबर लगानी गर्ने अनुमति नेपाल सरकारले दिएको छ । यी

SITENAME

इन्भेस्टमेन्टलाई राष्ट्र बैंकको निर्देशन : सुमार्गीको रकम फर्काउनू

पुस ३० गते । व्यापारी अजेयराज सुमार्गीले निकासा गरिसकेको रकम फिर्त्याउन राष्ट्र बैंकले इन्भेस्टमेन्ट बैंकलाई निर्देशन दिएको छ । आफ्नो अन्तरिम

SITENAME

आयल निगमका पूर्व कार्यकारी निर्देशक खड्काविरुद्ध विशेष अदालतमा भ्रष्टाचार मुद्दा

पुस २३ गते ।  नेपाल आयल निगमका पूर्व कार्यकारी निर्देशक गोपालबहादुर खड्काविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार