माघमा ४ विदेशी टोलीसहित अन्तर्राष्ट्रिय फुटबल प्रतियोगिता हुने
माघमा ४ विदेशी टोलीसहित अन्तर्राष्ट्रिय फुटबल प्रतियोगिता हुने
भदौ २९ गते । मदन भण्डारी स्पोर्ट्स एकेडेमीले माघमा अन्तर्राष्ट्रिय फुटबल प्रतियोगिताको आयोजना गर्ने भएको छ ।
माघ ९ गतेदेखि १९ गते सम्म काठमाडौंको दशरथ रंगशालामा प्रतियोगिता आयोजना गर्ने शुक्रबार आयोजित पत्रकार सम्मेलनमा जानकारी गराइएको छ । अन्तर्राष्ट्रिय
फुटबल प्रतियोगितामा नेपालका २ र विदेशी ४ सहित ६ टिमको सहभागिता रहने छ । प्रतियोगितामा नेपालबाट रातो र निलो गरी २ टिमको सहभागिता हुनेछ । यसैगरी आयोजक मदन भण्डारी स्पोर्ट्स एकेडेमीले प्रतियोगिता खेल्नका लागि दक्षिण कोरिया, चीन, भुटान, बंगलादेश, भारत र थाइल्याण्डलाई पत्राचार गरिए पनि निश्चित भने भइनसकेको जनाएको छ ।
प्रतियोगितामा सहभागी हुने ६ टोलीलाई दुई समूहमा विभाजन गर्दै लिगको आधारमा खेल खेलाइनेछ । दुवै समूहका शीर्ष दुई टोलीले सेमिफाइनलमा स्थान बनाउनेछन् । प्रतियोगिताको विजेताले २५ हजार अमेरिकी डलर र दोस्रो हुनेलाई १० हजार अमेरिकी डलर प्राप्त गर्नेछन् ।
यसैगरी प्रतियोगितामा उत्कृष्ट फरवार्ड, मिडफिल्डर, डिफेन्डर, गोलकिपर र प्रशिक्षकलाई समान १–१ हजार अमेरिकी डलर दिइने आयोजकले जनाएको छ ।
पाथीभरा याङवरक खुल्ला ब्याडमिन्टन प्रतियोगिता सम्पन्न
किरण गदाईली थेचम्बु,फाल्गुण ३० गते । पाथीभरा याङवरक गाउँपालिकाले ७ औं स्थापनना दिवसको अबसरमा आयोजना गरेको ब्याडमिन्टन प्रतियोगिता बुधवार
राष्ट्रपति रनिङ शिल्ड प्रतियोगीताः आठराई त्रिवेणी गाउँपालिका प्रथम
रेडियो ताप्लेजुङ । फागुन ४ गते । जिल्लाको आठराई त्रिवेणी गाउँपालिकामा शुक्रबार सम्पन्न १४औं राष्ट्रपति रनिङ शिल्ड प्रतियोगीतामा आठराई त्रिवेणी
एसीसी वुमन्स प्रिमियर कप सेमिफाइनल: नेपाललाई एसिया कप खेल्ने स्वर्णिम अवसर
फागुन ४ गते ।नेपालले एसीसी वुमन्स प्रिमियर कप क्रिकेटको दोस्रो सेमिफाइनल खेलमा आज घरेलु टोली मलेसियासँग खेल्दैछ । खेल नेपाली समय अनुसार बिहान सवा
प्रतिकृया दिनुहोस