ताजा खबर

अमेरिकासँगको वार्ता रद्द गर्ने उत्तर कोरियाको धम्की

SITENAME

अमेरिकासँगको वार्ता रद्द गर्ने उत्तर कोरियाको धम्की

जेठ २ । उत्तर कोरियाले अमेरिकासँग हुन लागेको वार्ता रद्द गर्ने धम्की दिएको छ ।

उत्तर कोरियाको आणविक कार्यक्रम रद्द गर्नुपर्ने जिद्दी अमेरिकाले गरिरहेकाले अमेरिकासँगको वार्ताबारे सोच्नुपर्ने उत्तर कोरियाले जनाएको हो । उत्तर कोरियाली नेता किम जोङ उन र अमेरिकी राष्ट्रपति डोनाल्ड ट्रम्पबीचको वार्ता आउँदो जुन १२ मा सिंगाापुरमा हुने तय भएको थियो । अमेरिकी राष्ट्रपति ट्रम्पले मिति र स्थानका बारेमा ट्वीट गर्दै जानकारी दिएका थिए । तर उत्तर कोरियाको पछिल्लो प्रतिक्रियाले बैठक अनिश्चित भएको छ ।

बैठक उत्तर कोरियाको आणविक कार्याक्रम रद्द गर्ने विषयमा हुने बताइएको थियो । उत्तर कोरियाले बुधबार दक्षिण कोरियाका अधिकारीसँग हुने वार्ता पनि पछि सारेको जनाएको छ । दक्षिण कोरिया र अमेरिकाबीचको संयुक्त सैन्य अभ्यास हुने भनिएपछि उत्तर कोरियाको पछिल्लो प्रतिक्रिया आएको हो ।

उत्तर कोरियाका सहायक विदेश मन्त्री किम के ग्वाङले अमेरिकाले एकतर्फी रुपमा उत्तर कोरियाको आणविक कार्यक्रम रोक्न भनेकाले र आफूहरु त्यस्तो एकपक्षीय कुरा मान्न तयार नभएको बताएका छन् । उनले अमेरिकाले लापरवाही रुपमा विज्ञप्तिहरु सार्वजनिक गर्न थालेकाले आउँदो बैठकबारे सोच्ने बेला आएको बताएका हुन् ।

उत्तर  कोरियाका नेता किम जोङ उनले आफूले उत्तर कोरियासँगको सम्बन्ध सुधार गर्न चाहे पनि अमेरिकाको पछिल्ला गतिविधि र भनाईले सम्बन्ध बिथोल्न सक्ने बताएका छन् । उत्तर कोरियाले दक्षिण कोरिया र अमेरिकाको संयुक्त सैन्य अभ्यास उत्तेजक भएको र यसले कूटनीतिमा असर पार्ने बताएको छ ।

उत्तर कोरियाको पछिल्लो अभिव्यक्तिले अमेरिका पनि झस्केको बताइएको छ । अमेरिकाले भने ट्रम्प र किमबीचको वार्ता सुनिश्चित गर्ने तयारी गरिरहेको जनाएको छ । ट्रम्पले भने उत्तर कोरियाको पछिल्लो अभिव्यक्तिमाथि कुनै टिप्पणी गरेका छैनन् । स्रोतःउज्यालो अनलाइन

प्रतिकृया दिनुहोस
SITENAME

टर्कीका राष्ट्रपति अर्दोगानले शपथ लगत्तै ज्वाँईलाई बनाए मन्त्री

टर्कीका राष्ट्रपति अर्दोगानले शपथ लगत्तै ज्वाँईलाई बनाए मन्त्री असार २६ गते । टर्कीमा रिसेप तैयप अर्दोगानले राष्ट्रपतिको शपथ लिए लगत्तै आफ्ना

SITENAME

टर्की सरकारद्वारा १८ हजार ६३२ कर्मचारी बर्खास्त

सरकारले आइतबार एक निर्देशिका जारी गर्दै ती कर्मचारीलाई बर्खास्त गरिएको जनाएको विभिन्न अन्तर्राष्ट्रिय समाचार संस्थाहरुले जनाएका छन् । यसरी

SITENAME

पाकिस्तानका पूर्वप्रधानमन्त्री सरिफलाई भ्रष्टाचार मुद्दामा १० वर्ष कैद फैसला

पाकिस्तानका पूर्वप्रधानमन्त्री सरिफलाई भ्रष्टाचार मुद्दामा १० वर्ष कैद फैसला असार २३ गते । पाकिस्तानको भ्रष्टाचारविरोधी एक अदालतले त्यहाँका