संविधान दिवसमा बजारको सरसफाइ

SITENAME


 ताप्लेजुङ,असोज २ गते । ताप्लेजुङमा संविधान दिवसका कार्यक्रम सुरु भएका छन् । दिवसको अवसरमा आज सदरमुकाम फुङलिङ बजारमा सरसफाइ गरिएको छ । जिल्ला समन्वय समिति, फुङलिङ नगरपालिका, जिल्ला प्रशासन  र वन कार्यालयको अगुवाईमा सरसफाई गरिएको हो । बजारको तोक्मेडाँडाबाट दोबाटो, कोप्चे, विरेन्द्रचोक, सानो पाथिभरा मन्दिर, अस्पताललाईनसम्मको फोहोर संकलन गरेर व्यवस्थापन गरिएको छ । कार्यक्रममा जिसस प्रमुख धनेन्द्र मादेन, नगरप्रमुख छत्रपति प्याकुरेल, नगर उपप्रमुख बमबहादुर भट्टराई, प्रमुख जिल्ला अधिकारी अनुज भण्डारी सहित कार्यलय प्रमुख, कर्मचारी र स्थानीय सहभागी थिए । संकलित दुई ट्रयाक्टर फोहोरलाई नगरपालिकाले व्यवस्थापन गरेको छ । डिभिजन वन कार्यालयको वातावरण सरसफाई महाअभियान अन्तर्गतको सरसफाई कार्यक्रम पनि सोहि अवसरमा गरिएको छ । आजको कार्यक्रममा सहभागिको माक्स, पञ्जा, झाडुको व्यवस्था वन कार्यालयले गरेको हो । संविधान दिवसको कार्यक्रम पनि परेकाले संयुक्त रुपमा सरसफाई गरिएको सहायक वन अधिकृत सोमेश्वरकुमार दासले बताए । फुङलिङ बजारमा विभिन्न सामाजिक कार्यमा सक्रिय युवाहरुको समुह सोसियल युथ गाइज्को नियमित सरसफाई कार्यक्रम पनि सोहि अवसरमा गरिएको गाइज्का सदस्य अनिल यवागुले बताए । २०७२ असोज ३ गते नेपालको संविधान जारि भएको दिनलाई संविधानको रुपमा मनाउने गरिन्छ । प्रदेश सरकारको निर्देशनअनुसार असोज २, ३ र ४ गते दिवस मनाउने निर्णय गरिएको जिसस प्रमुख मादेनले बताए । साथै जिल्लाका आठ वटै गाउँपालिकाले पनि संविधान दिवसको अवसरमा छुट्टाछुट्टै कार्यक्रमको आयोजना गरेका छन् ।  

प्रतिकृया दिनुहोस
SITENAME

अन्तराष्ट्रिय बालिका दिवसःरेडियो ताप्लेजुङमा बाल विवाह विषयमा नुवमी राई,अनिता पन्दाक र टीका लिम्बुबिच बहस

अन्तराष्ट्रिय बालिका दिवसःरेडियो ताप्लेजुङमा बाल विवाह विषयमा नुवमी राई,अनिता पन्दाक र टीका लिम्बुबिच बहस असाज २५ गते । आज अक्टोबर ११ तारिख अर्थात

SITENAME

सडक मर्मतमा स्थानीय सरकार

सीताराम गुरागाई । सिरिजंघा गाउँपालिका अध्यक्ष टिकाराम गुरुङको ध्यान एक महिनायता सिनाम–आम्वेगुदिन सडकखण्डमा छ । भदौ २५ गतेको भिषण वर्षाले बगाएको

तेह्रथुमका जोशीलाई यूएईमा ५ वर्ष जेल र दुई लाख दिराम जरिवाना

तेह्रथुमका जोशीलाई यूएईमा ५ वर्ष जेल र दुई लाख दिराम जरिवाना असोज २४ गते । यूएईको सर्वोच्च अदालतले फिलिपिनो सहकर्मीको हत्या गरेको ठहर गर्दै