आनन्द गौतम

ताप्लेजुङ कार्तिक १३ - नेपालले ८ हजार मिटरभन्दा अग्ला थप ६ हिमाललाई छुट्टै हिमालका रूपमा अन्तर्राष्ट्रिय मान्यता दिलाउन यूआईएको साधारणसभामा प्रस्ताव अघि बढाएको छ। जसमा चारवटा ताप्लेजुङ र २ वटा सोलुखुम्बु जिल्लाका छन् । छवटै हिमाल कोशी प्रदेशका हुन् । प्रस्ताव स्वीकृत भए नेपालमा रहेका हिमालको संख्या ८ बाट १४ पुग्नेछभनें विश्वका ८ हजार मिटरमाथिको संख्या १४ बाट २० पग्ने छ ।

संस्कृति, पर्यटन तथा नागरिक उड्डयनमन्त्री खड्गराज पौडेल र नेपाल पर्वतारोहण संघका अध्यक्ष फुर गेल्जे शेर्पाले विश्व पर्वतारोहण तथा आरोहण महासंघ (यूआईएए) को सन् २०२६ को साधारणसभामा नेपालको प्रस्ताव अघि सारेको जनाएका छन् । मन्त्री पौडेलले काठमाडौंमा आयोजित साधारणसभामा नेपालका थप ६ हिमाललाई छुट्टै ८ हजार मिटर अग्ला हिमालका रूपमा अन्तर्राष्ट्रिय मान्यता दिलाउन पहल भइरहेको बताए । एनएमएका अध्यक्ष शेर्पाले पनि यूआईएको कार्यकारी बोर्डसमक्ष सम्बोधन गर्दै प्रस्तावित हिमालहरूको औपचारिक मूल्यांकन र अन्तर्राष्ट्रिय मान्यताका लागि आग्रह गरेको उल्लेख गरे ।

प्रस्तावित ६ हिमालमध्ये चारवटा कञ्चनजङ्घा र दुईवटा सगरमाथा–ल्होत्से क्षेत्रमा पर्छन् । प्रस्तावित हिमाल मध्येको कञ्चनजङ्घा दक्षिण ८ हजार ४ सय ७६ मिटर, कञ्चनजङ्घा पश्चिम ८ हजार ७७ मिटर, कञ्चनजङ्घा मध्य ८ हजार ४ सय ७३ मिटर र यालुङ काङ ८ हजार ५ सय ९५ मिटर उचाई रहेको छ । सगरमाथा–ल्होत्से क्षेत्रको ल्होत्से मध्य ८ हजार ४ सय १० मिटर र ल्होत्से शार ८ हजार ४ सय मिटर रहेको छ।

हिमाल आरोही तथा प्रतिनिधिसभाका सांसद मिङमा डेभिड शेर्पाका अनुसार यी हिमालका आफ्नै भौगोलिक पहिचान, नाम र आरोहण मार्ग छन् । एउटा शिखर आरोहण गर्दा अर्को शिखर पुगेको मानिने छैन । त्यसैले प्रत्येकलाई छुट्टै पर्वतारोहण गन्तव्यका रूपमा पहिचान स्थापित गर्नु आवश्यक छ । सांसद शेर्पाले यो प्रस्ताव वर्तमान सरकारको महत्वपूर्ण कदम भएको दावी गरे ।

सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।

                                                            ©  रेडियो ताप्लेजुङ

संविधानसभा सदस्य मादेन, पूर्वउपाध्यक्ष ताम्लिङसहित सयौं श्रम संस्कृति पार्टीमा प्रवेश

रेडियो ताप्लेजुङ ताप्लेजुङ, कार्तिक १६ गते । श्रम संस्कृति पार्टीको स्थापना दिवसको अवसरमा ताप्लेजुङमा संविधानसभा सदस्य सञ्चपाल मादेन र सिदिङ्वा

संविधानसभा सदस्य मादेन, पूर्वउपाध्यक्ष ताम्लिङसहित सयौं श्रम संस्कृति पार्टीमा प्रवेश

रेडियो ताप्लेजुङ ताप्लेजुङ, कार्तिक १६ गते श्रम संस्कृति पार्टीको स्थापना दिवसको अवसरमा ताप्लेजुङमा संविधानसभा सदस्य सञ्चपाल मादेन र सिदिङ्वा

फुङ्लिङसहितका क्षेत्रमा विद्युत् सेवा अवरुद्ध, समस्या पहिचान गर्न प्राधिकरणको टोली फिल्डमा

किरण गदाइली ताप्लेजुङ, कार्तिक १६ गते । अमरपुरदेखि हिटी सबस्टेसन आउने ३३ केभी मुख्य लाइनमा ओभर करेन्ट फेस फल्ट हुँदा गए रातिदेखि ताप्लेजुङको हिटी