ज्याकी च्यानकी छोरीको सडकमा बास, यस्तो छ कारण

वैशाख २० – अभिनेता ज्याकी च्यान उनको अभिनय तथा एक्सनका कारण विश्वभरी नै चर्चित छन ।हङकङ्गका सुपरस्टार ज्याकी तथा हङकङ्गकी पूर्व सुन्दरी इलेन एनजीकी १८ वर्षीया छोरी इटा एनजीको एक भिडियो अहिले युट्यूबका भाइरल भइरहेको छ ।ज्याकी च्यानकी छोरी इटा एनजी पैसा नभएका कारण सडकमा रात बिताउन बाध्य भएकी छिन् । उनले आफू समस्यामा रहेको र आफूलाई मद्दत गर्न त्यसै भिडियोमार्फत अनुरोध गरिरहेकी छिन ।

इटाले उनकी प्रेमिकाको साथमा पछिल्लो एक महिनादेखि सडकमा रात बिताइरहेको कुरा बताएकी छिन । दुवैले यस कारणको जिम्मेवार आफूहरुको परिवार रहेको पनि बताएका छन । इटा समलिङ्गी रहेकाले परिवारहरुले यस कुरालाई स्वीकार नगरेको तसर्थ पे्रमिकाको साथ सडकमा रात बितारहेको बताएकी छिन ।

उनीहरुले आफू प्रहरी, अस्पताल तथा अन्य संघसंस्थामा सहयोगका लागि गए पनि कसैले सहयोग नगरेको बताएकी छिन् । त्यसै कारण इटाले आफूहरुलाई सहयोग गर्नका लागि अपील गर्दै भिडियो सार्वजनिक गरेकी छिन् ।