रेडियो ताप्लेजुङ 
कार्तिक १७ गते । 

पाथीभरा याङवरक गाउँपालिकाले पाँचवटा खेल विधाका लागि प्रशिक्षक नियुक्त गरेको छ।

गत भदौ ३१ गते विभिन्न खेल विधाका प्रशिक्षक नियुक्तिका लागि सूचना प्रकाशन गरेको गाउँपालिकाले मङ्गलबार अन्तर्वार्तामा सहभागी उम्मेदवारको मूल्याङ्कन तथा छनोट समितिको निर्णयअनुसार पाँच जना प्रशिक्षक छनोट गरेको हो।

गाउँपालिकाका निमित्त प्रमुख प्रशासकीय अधिकृत ठाकुर प्रधानका अनुसार भलिबल, कबड्डी, कराते, उसु र तेक्वान्दो खेलका लागि एक–एक जना प्रशिक्षक नियुक्त गरिएको छ।

नियुक्त हुने प्रशिक्षकमध्ये दुई जना ताप्लेजुङका र तीन जना इलामका रहेका छन्। भलिबलतर्फ सिरिजङ्घा गाउँपालिका–५ का यामबहादुर भट्टराई र कबड्डीतर्फ मेरिङदेन गाउँपालिका–५ का दावा शेर्पा छनोट हुनुभएको छ।

त्यस्तै, कराते प्रशिक्षकमा इलामको चुलाचुली गाउँपालिका–८ का मनकुमार योङहाङ, उसुमा सन्दकपुर गाउँपालिका–४ का प्रनिश राई र तेक्वान्दोमा रोङ गाउँपालिका–२ का उज्ज्वल वाइबा छनोट हुनुभएको गाउँपालिकाले जनाएको छ।

छनोट भएका उम्मेदवारले नियुक्ति तथा करार सम्झौतासम्बन्धी आवश्यक प्रक्रिया पूरा गर्न सात दिनभित्र गाउँपालिकामा सम्पर्क गर्नुपर्ने बताइएको छ।

सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।

                                                            ©  रेडियो ताप्लेजुङ

यस्तो छ ताप्लेजुङका विभिन्न रुटका लागि प्रशासनले सिफारिस गरेको भाडादर

रेडियो ताप्लेजुङ  कार्तिक १७ गते ।  जिल्ला प्रशासन कार्यालय ताप्लेजुङले जिल्लाका विभिन्न रुटमा सञ्चालन हुने सार्वजनिक सवारीसाधनको भाडादर

एकै दिन साढे १० हजारभन्दा बढीले गरे पाथीभराको दर्शन

रेडियो ताप्लेजुङ कार्तिक १७ गते । प्रसिद्ध शक्तिपीठ पाथीभरामा आज एकै दिन १० हजारभन्दा बढी दर्शनार्थीले दर्शन गरेका छन्। पाथीभरा क्षेत्र विकास

फुङ्लिङको मेवाराजा आधारभूत विद्यालय कोशी प्रदेशकै उत्कृष्ट

रेडियो ताप्लेजुङ कार्तिक १७ गते । ताप्लेजुङको फुङ्लिङ नगरपालिका–८ स्थित मेवाराजा आधारभूत विद्यालय कोशी प्रदेशकै उत्कृष्ट आधारभूत विद्यालय