बैतडीका युवाद्वारा काठमाडौँबाट पैदल यात्रा गर्दै १९औँ दिनमा पाथीभराको दर्शन
..jpeg)
रेडियो ताप्लेजुङ
कार्तिक १२ गते। काठमाडौँबाट १९ दिन लगाएर पैदल यात्रा गर्दै एक युवा ताप्लेजुङस्थित प्रसिद्ध तीर्थस्थल पाथीभरा पुग्नुभएको छ।
बैतडीको पुर्चौडी नगरपालिकाका प्रशान्त ढुंगेल १९औँ दिनमा पाथीभरा मन्दिर परिसरमा आइपुग्नुभएको पाथीभरा क्षेत्र विकास समितिका कर्मचारी राजेन्द्र महतले जानकारी दिनुभएको छ।
ढुंगेल १८औँ दिनमा माथिल्लो फेदी पुग्नुभएको थियो। बिहीबार उहाँलाई मन्दिर परिसरमा क्षेत्र विकास समितिले चुनरी ओढाएर मायाको चिनो प्रदान गरेको समितिले जनाएको छ।
समुद्र सतहदेखि ३ हजार ७९४ मिटर उचाइमा अवस्थित पाथीभरा मन्दिरको महिमालाई पैदल यात्रामार्फत प्रचारप्रसार गर्नुभएकोमा क्षेत्र विकास समितिका कार्यकारी निर्देशक प्रजिन हाङबाङले उहाँप्रति आभार व्यक्त गर्नुभएको छ। ढुंगेलको यो अभियानले पाथीभरा दर्शन गर्न कठिनाइ हुँदैन भन्ने सन्देश फैलाउन सहयोग पुगेको उहाँले बताउनुभएको छ।
यसैबीच, पाथीभरा क्षेत्रमा बिहीबार बिहान छिटपुट हिउँ परे पनि दिउँसो सिमसिम पानी मात्र परेको कर्मचारी महतले जानकारी दिनुभएको छ। उहाँका अनुसार चिसो भने निकै बढेको छ।
माथिल्लो फेदीबाट कर्मचारी दिलकुमार भट्टराईले दिनुभएको जानकारीअनुसार प्रतिकूल मौसमका बाबजुद बिहीबार २ हजार ५३९ जनाले पाथीभराको दर्शन गरेका छन्।
सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।
© रेडियो ताप्लेजुङ
श्रम संस्कृति पार्टीले स्थापना दिवसमा ताप्लेजुङमा बृहत् पार्टी प्रवेश कार्यक्रम गर्दै
किरण गदाइली ताप्लेजुङ, कार्तिक १२ गते । श्रम संस्कृति पार्टी ताप्लेजुङले स्थापना दिवसको अवसरमा बृहत् पार्टी प्रवेश कार्यक्रम गर्ने भएको
पार्टीको जागरण अभियानलाई नतिजामुखी बनाउँछौँ : नेकपा ताप्लेजुङ
रेडियो ताप्लेजुङ कार्तिक ११ गते । नेपाली कम्युनिस्ट पार्टी (नेकपा) ताप्लेजुङले पार्टीको जागरण अभियानलाई जिल्लामा प्रभावकारी र नतिजामुखी बनाउने
रास्वपा नगरपालिका क्यान्डिडेट क्लब : ताप्लेजुङबाट योग्य उम्मेदवार पठाउने गरी तयार
रेडियो ताप्लेजुङ कार्तिक ११ गते । राष्ट्रिय स्वतन्त्र पार्टी (रास्वपा) ताप्लेजुङले स्थानीय तह निर्वाचनका लागि क्यान्डिडेट क्लबमा सीमित र योग्य
..jpeg)
..jpeg)
प्रतिकृया दिनुहोस